之前提過,網上賺錢方法之一是在家工作Freelance, 咁到底做Freelance應該點選擇呢?以下提供五項最多人揾既Freelance自由工作俾大家參考。
- 平面設計 Graphic Design
平面設計呢一個行業有一個傳統,就係會請Freelance幫手設計, 因為好多時自己唔係一家設計公司,純粹請一個伙計返黎幫公司設計公司LOGO,信封,咭片,成本太高, 所以一般都會將呢尐工序外判出去,又由於設計公司收費相對freelancer高出好多, 所以如果唔係好大量需求, 都會揾Freelance幫手,一般設計一個公司logo係600蚊左右。如果你識用一D設計軟件, 不妨考慮一下。
2. 攝影師 Photographer
宜家拎住部手機, 隨時隨地想去邊度影相都得。由於越黎越多人識影相, 相對對照片既質素同要求都不斷提高。如果你自問對影相有返咁上下心得同功力, 不妨試下接D攝影工作黎做一下, 坊間好多在家工作freelance既平台都可以好容易就接到工作, 但長遠而言, 就視乎閣下既實力同埋藝術細胞喇。
3.影片制作 Video Producer
越黎越多人做左youtuber後賺大錢,廣告由傳統電視轉向網上娛樂媒體,製作影片越黎越五花八門, 為左吸引人流, 影片制作顯得越黎越重要,需求提高,不妨考慮學習短片制作, 投身廣告界一份子。
4.網站設計 WEB DESIGN
一個吸引人既網站, 有助提升公司形象及生意額。因此越黎越多人希望可以擁有自家品牌既網站或網店。雖然現時價錢已經不大如前, 但需求增大算係拉上補下, 打返平手。雖說有好多平台都可以自己建立網站或網店, 例如 WordPress 同埋 WIX 咁, 但要做得靚, 可以吸引客人, 可以超越競爭對手, 卻絕非易事, 可以講得上係易學難精。所以好多人都願意花少少錢,揾外援freelance, 幫手做個靚仔吸引既網站。
5.數碼營銷 Digital Marketing
由於越來越多人選擇開網店, 做好了網店, 想從對手中脫穎而出, 並非易事。除左要做吸引既網站之外, 都要做出黎既網站有人知道, 因此一大堆既推廣活動就重此展開, facebook廣告, google 關鍵字廣告, 關鍵字搜尋SEO等,都需要專家教路同埋幫手, 有好多老闆因為學唔懂中間既細節同橋妙, 索性俾錢揾外援, 說老實, 我都收到好多查詢價錢同做法架,哈哈。想一夜致富係難既, 不過想細水長流, 當打份工, 呢個工作又真係幾吸引既。
如果你對以上內容有任何問題, 可以聯絡我呀, 我既E-Mail 。